“Сажынцы” абвесцілі набор таленавітых дзяўчатак у клас эстраднага вакалу
Узорная эстрадная студыя "Сажынцы" дзейнічае пры дзіцячай школе мастацтваў імя Цікоцкага. Яе кіраўнік - вядомы бабруйскі музыка і кампазітар Вадзім Сажын. Сярод яго вучняў, напрыклад, Шура Бі-2, якога Сажын вучыў граць на гітары.
У клас эстраднага вакалу набіраюць дзяўчатак прыкладна з 3-6 класа агульнаадукацыйнай школы (у хлопчыкаў у гэтым узросце змяняецца голас, калі стануць юнакамі – могуць прыходзіць да Вадзіма Сажына на кансультацыі).
Тэрмін навучання – 5 або 7 гадоў, у залежнасці ад узросту і праграмы.
На праслухоўванне можна прыходзіць у любы працоўны дзень з 10.00 да 15.00.
Адрас: першы корпус музычнай школы (вуліца К. Маркса-63). Набор працягнецца да верасня. Тэлефон: (8-029) 650-18-44.