Test Бабруйская гарадская габрэйская суполка запрашае на выставу прысвечаную Праведніку Народаў Свету і шведскаму дыпламату – Раулю Валенбергу. 70 12345678 Бабруйск на старых паштоўках. Ці добра ты ведаеш гісторыю роднага горада? Гэты тэст па гісторыі Бабруйска склаў краязнаўца і калекцыянер, бабруец Віталь Мурашкевіч. Пытанні ў ім не самыя простыя, але вельмі цікавыя – у іх утрымліваюцца факты, якія пераконваюць: гісторыя нашага горада – неверагодна захапляльная. Паколькі Віталь збірае бабруйскія паштоўкі, то тэст ён заснаваў на іх. У кожным пытанні ты ўбачыш выяву горада на паштоўцы – старой ці сучаснай. Правер сябе – наколькі ты пазнаеш Бабруйск на старых фота і ці сапраўды добра ведаеш яго гісторыю? Распавядзі нам пра свае вынікі на нашай старонцы ў Інстаграме. Ці ўсе пытанні былі для цябе простымі? Магчыма, некаторыя здзівілі і дзякуючы ім ты даведаўся пра штосьці новае? 1 / 8 Бабруйск смела можна назваць «паштовачным» горадам. Вядома каля 100 паштовак з гарадскімі відамі, выдадзеных да 1917 года, аднак найбольшай папулярнасцю ў фатографаў і месцічаў карысталася вуліца, якую ты бачыш на фотаздымку. Якую назву яна насіла да рэвалюцыі 1917 года? Фота: асабісты архіў Віталя Мурашкевіча Беларуская Мураўёўская Сацыялістычная Не. Да рэвалюцыі 1917 года вуліца называлася Мураўёўскай. Назвалі яе так у 1876 годзе ў гонар віленскага генерал–губернатара Міхаіла Мураўёва, празванага Мураўёў-вешальнік за ролю ў падаўленні паўстання 1863 года. Слушна. Да рэвалюцыі 1917 года вуліца называлася Мураўёўскай. Назвалі яе так у 1876 годзе ў гонар віленскага генерал–губернатара Міхаіла Мураўёва, празванага Мураўёў-вешальнік за ролю ў падаўленні паўстання 1863 года. Назву «Беларуская» гэтая вуліца насіла ў 1918 годзе, але толькі паўгода падчас нямецкай і польскай акупацыяў. Звыклая для нас назва «Сацыялістычная» замацавалася з 1925 года. Былі часы, калі вуліцу называлі імем Керанскага, Гаупштрасэ, вуліцай Перамогі, але ўсякі раз вярталіся да Сацыялістычнай. 2 / 8 На дарэвалюцыйнай паштоўцы захаваўся першапачатковы выгляд адзінага на сённяшні дзень дзеючага касцёла ў горадзе. Ён названы ў гонар: Фота: асабісты архіў Віталя Мурашкевіча Святых апосталаў Пятра і Паўла Станіслава Косткі Дзевы Марыі Не. Адзіны ў Бабруйску дзейсны касцёл быў асвечаны ў гонар Беззаганнага Зачацця Найсвяцейшай Дзевы Марыі. Так. І хоць неагатычны касцёл Беззаганнага Зачацця Найсвяцейшай Дзевы Марыі ўсё яшчэ схаваны ад людскіх вачэй пяціпавярховай прыбудовай, менавіта ён – адзіная дзеючая святыня для каталікоў усяго горада. Касцёл Святых апосталаў Пятра і Паўла, узведзены яшчэ ў XVII ст., быў першым мураваным будынкам «дакрэпаснога Бабруйска». Да нашых дзён не захаваўся. Касцёл, першапачаткова асвечаны ў гонар святога Станіслава Косткі, бабруйцам больш вядомы як гаўпвахта ці цэйхгаўз. Паступова разбураецца, але гэта самы стары будынак горада, яму больш за 300 год! 3 / 8 Бабруйску пашчасціла мець шмат творцаў, якія ўславілі горад у мастацтве і літаратуры. Хто з'яўляецца аўтарам аповесці «Ўніз па Шашэйнай?» Вуліца Шашэйная на старой паштоўцы. Фота: асабісты архіў Віталя Мурашкевіча Леанід Коваль Сол Шульман Абрам Рабкін Не. Аўтарам кранальных успамінаў пра даваенны Бабруйск стаў мастак Абрам Рабкін. Так, мастак Абрам Рабкін пакінуў не толькі звыш 200 карцін з відамі старога горада, але і напісаў кранальныя ўспаміны пра даваенны Бабруйск – «Уніз па Шашэйнай». У прозе бабруйца Леаніда Коваля шмат звязана з нашым горадам, але ў першую чаргу ён вядомы як даследчык трагедыі Халакоста. Сола Шульмана ж шмат хто ведае як заснавальніка тэлесерыяла «Альманах кінападарожжаў», але бабруйцам асабліва дарагія ягоныя мемуары «Праменад па Сацыялцы». 4 / 8 Малюнак архітэктара Змітра Мурашкі з сучаснага набора паштовак Людмілы Кіслёнак адлюстроўвае сучасны стан адзінага захаванага будынка «дакрэпаснога» горада – езуіцкага касцёла 1747 года. Некалі ён выкарыстоўваўся як: Езуіцкі касцёл у Бабруйску 1747 года. Аўтар малюнка: Зміцер Мурашка Рэдзюіт Цэйхгаўз Люнэт Не. Пасля пабудовы крэпасці сцены касцёла часткова паслужылі каб стаць будынкам для захавання зброі і іншага вайсковага рыштунку – цэйхгаўза. Так. Сапраўды, пасля пабудовы крэпасці сцены касцёла часткова паслужылі каб стаць будынкам для захавання зброі і іншага вайсковага рыштунку – цэйхгаўза. Рэдзюіт – унутранае ўмацаванне ў замкнутых умацаваннях для ўзмацнення абароны на асобных участках. Апошні аплот абаронцаў. Люнэт служыць перш за ўсё ўмацаванню ўразлівых участкаў у абароне крэпасцяў. 5 / 8 Бабруйская крэпасць доўгі час уваходзіла ў лік «буйнейшых у Еўропе». Хто з манархаў Расейскай імперыі прыняў рашэнне будаваць на правым беразе Бярэзіны цытадэль? Бабруйская крэпасць на старой паштоўцы. Фота: асабісты архіў Віталя Мурашкевіча Кацярына ІІ Аляксандр ІІ Аляксандр І Не. Указ аб будаўніцтве Бабруйскай крэпасці падпісаў у 1810 годзе імператар Аляксандр І. Так. Менавіта Аляксандр І у 1810 годзе падпісаў указ аб будаўніцтве Бабруйскай крэпасці і некалькі разоў асабіста інспектаваў будоўлю. Кацярына ІІ, нягледзячы на тое, што нашу крэпасць старажылы часта называлі «кацярынінскай», ніколі не была ў Бабруйску і не мае дачынення да фартэцыі. Імператар Аляксандр ІІ не бываў у крэпасці, але менавіта ўраджэнец Бабруйскага павета «нарадаволец» Ігнат Грынявіцкі забіў таго ў 1881 годзе. 6 / 8 Шыкоўная гасцініца «Бярэзіна і Еўрапейская» стала першым цагляным будынкам па-за крэпасцю. Карл Незабытоўскі атрымаў асобны дазвол на яе будаўніцтва, бо: Гасцініца «Бярэзіна і Еўрапейская» у Бабруйску на старой паштоўцы. Фота: асабісты архіў Віталя Мурашкевіча Валодаў цагляным заводам Бабруйская крэпасць страціла свой статус У Бабруйску было шмат таннай сыравіны Не. Насамрэч штуршком да пабудовы гасцініцы стала зняццё ў 1897 годзе Бабруйскай крэпасці з вайсковага ўліку. Да гэтага нельга было будаваць з цэглы і каменя, каб будынкі можна было лёгка знішчыць. Так. У 1897 годзе Бабруйская крэпасць была знятая з вайсковага ўліку . Да гэтага нельга было будаваць з цэглы і каменя, каб будынкі можна было лёгка знічшыць. Бабруйск славіўся сваёй глінай і цэглай, але цаглянае будаўніцтва было забароненае ў жылых фарштатах. Незабытоўскаму належалі не толькі цагельня, але і шматлікія іншыя прадпрыемствы ў горадзе і ваколіцах, але збудаваць гасцініцу ён змог толькі пасля таго, як крэпасць страціла свой былы статус. 7 / 8 Бабруйск часта пакутаваў ад наступстваў пажараў. Асабліва разбуральнымі былі пажары ў пачатку ХХ стагоддзя. У 1903 годзе было пабудаванае дэпо пажарнага таварыства. Яно ніколі не мяняла сваіх «жыхароў», купец Фрыдлянд арандаваў там другі паверх для: Дэпо пажарнага таварыства ў Бабруйску на старой паштоўцы. Фота: асабісты архіў Віталя Мурашкевіча Тэатра Тыпаграфіі Мастацкай галерэі Не. На другім паверсе дэпо пажарнага таварыства былі арганізаваныя тэатр і канцэртная зала. Сапраўды, на другім паверсе дэпо пажарнага таварыства арганізавалі тэатр і канцэртную залю. Сцены дэпо бачылі гастралёраў Марціні, Маманта Дальскага, братоў Адэльгейм, Іванава-Казельскага і іншых. Тыпаграфія ў Фрыдлянда таксама была, але з пачаткам рэвалюцыі была нацыялізаваная і працуе дагэтуль як тыпаграфія Непагодзіна. Мастацкая галерэя тут з'явілася толькі ў 2008 годзе і дзейнічае да гэтай пары. 8 / 8 Перад табой выгляд горада да пабудовы Бабруйскай крэпасці. Гэтая падзея карэнным чынам змяніла аблічча Бабруйска. А ці зможаш ты сказаць, хто быў аўтарам плана цытадэлі? Бабруйск да пабудовы крэпасці. Фота: асабісты архіў Віталя Мурашкевіча Карл Аперман Тэадор Нарбут Ягор Гекель Не. Аўтарам праекту Бабруйскай крэпасці стаў Тэадор Нарбут. Сапраўды, Тэадор Нарбут быў не толькі знакамітым гісторыкам, але і атрымаў Ордэн святой Ганны ІІ ступені за праект Бабруйскай крэпасці. Карл Аперман не складаў план крэпасці, але збудаваў знакамітую вежу цяперашняга СІЗА, якая носіць ягонае імя. Ягор Гекель спраектаваў «стрыечную сястру» Бабруйскай крэпасці ў Дынабургу (сучасны Даўгаўпілс, Латвія). Твой вынік LinkedIn Facebook Twitter VKontakte
